Xitay da'iriliri Uyghur élidiki yétim balilarni xitay ölkilirige yollimaqta

Shinxu'a torining seyshenbidiki xewiridin ashkarilinishiche, 21 - awghust küni, Uyghur élining tashqurghan, chaghantoqay, arshang nahiyiliridin bolghan yette neper ösmür bala yünnendiki mekteplerde oqutushqa élip kétilgen.
Muxbirimiz gülchéhre
2009-08-25
Share

Bu yette neper ösmür asasen ata ‏- anisidin yétim qalghan yaki turmush qiyinchiliqi bar bolghan qazaq hem tajik a'ililiridin bolup, chongi 11 yashta, kichikliri 9 yashta iken.

Xewerdin ashkarilinishiche, bu balilar eslide 2007 - yilidin bashlap, Uyghur élide turushluq xitay chégra qoralliq saqchi qisimidikiler yighip oqutuwatqan yétim balilar bolup, buningdin kéyin ular yünnen ölkisining lijang shehiridiki daril'étamda turidiken. Halbuki xewerde, bu balilarning néme üchün medeniyet we turmush aditi shundaqla til jehettin yat bolghan xitay ölkisige yötkep kétilish sewebi chüshendürülmigen.

Ürümchidiki yétim ‏- yisirlar parawanliq ornidin igiligen melumatlirimizdin ashkarilinishiche, Uyghur élidiki özini qoghdash iqtidari bolmighan yétim ‏- yisir balilarning sani xéli köp bolup, hökümet yaki shexsiler teripidin qurulghan, atalmish yétim ‏- yisirlar mektipining bashqurush tüzümliride intayin murekkep mesililer hem qanunsiz heriketler mewjut iken, hetta bezi yitimlar mektipidiki ige- chaqisiz Uyghur baliliri mektepte, xitay terbiyichilerning rohiy hem jismaniy jehettiki xorlishigha, diniy hem insaniy kemsitishige uchrighandin sirt, isimliri xitaychigha özgertilip, xitay a'ililirige sétiwétilgen ehwallarmu bar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet