Awstraliyide Uyghurlar heqqide ilmiy muhakime yighini

Awstraliyining kambéra shehirige jaylashqan awstraliye dölet uniwérsitéti 3-4-noyabir künliri Uyghur élining mewjut siyasiy, ijtima'iy-iqtisadiy , medeniyet we bashqa mesililiri boyiche bir ilmiy muhakime yighini ötküzüshni qarar qilghan bolup, mezkur uniwérsitétning uchuridin melum bolushiche, bu muhakime yighinda amérika, awstraliye, yaponiye we bashqa memliketlerning Uyghurshunasliri özlirining ilmiy doklatlirini oquydiken.
Muxbirimiz ümidwar
2011-10-30
Share

Melum bolushiche uzundin buyan Uyghurshunasliq saheside tetqiqat qilip kéliwatqan 10 nechche neper mutexessis yighinda öz doklatlirini oquydiken.

Melum bolushiche, yéqinqi yillardin buyan awstraliyide Uyghur éli we Uyghurlar heqqidiki tetqiqatlarmu bir qeder kéngiyiwatqan bolup, bu awstraliyide ötküzülidighan tunji qétimliq Uyghurlar we Uyghur éli heqqidiki kölimi bir qeder keng ilmiy muhakime yighini bolup hésablinidiken.

Aldinqi yili dunya Uyghur qurultiyining re'isi rabiye qadir xanim heqqide ishlen'gen "Muhebbetning on sherti" awstraliyide qoyulushi we rabiye xanimning awstraliye sepiri munasiwiti bilen awstraliye-xitay munasiwetliri bir mehel keskinleshken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet