Uyghurbiz tor béti “Shinjangdiki chong xenzuchiliqning pakitliri” dégen témida inkas we munazire bashlidi

Torbette bu munazirining meqsiti, “Shinjang hökümiti we merkizi hökümetning, shinjangdiki milletler mesilisining yiltizini tépip chiqishigha yardem bérish” dep chüshendürülgen.

Munazirige yézilghan tunji inkasta, Uyghur élidiki qosh tilliq ma'aripta, Uyghurlargha xitay tili öginishni shert qilip, xitaylargha Uyghurche öginishni shert qilmighanliqi bayan qilin'ghan.

Uningdin kéyinki inkasta, Uyghur rayonidiki barliq sot we teptish orunlirini pütünley xitaylarning monopol qiliwélishi, rayondiki chong xenzuchiliqning yalingach ipadisi dep körsitilgen. Yene bir inkasta, rayonning yer asti bayliqlirining ün-tizsiz halda élip kétilip, rayon'gha merkezdin bériliwatqan az miqdardiki yardem pulining yuqiri awazda teshwiq qiliniwatqanliqi tilgha élin'ghan.

Uyghur biz tor béti bu yil we ötken yil ichide Uyghur élide bir yürüsh ray sinash élip bérip, Uyghurlarning xitaylar bilen dost bolushni xalimaydighanliqi qatarliq bir qatar ijtima'iy we siyasiy hadisilerni jem'iyetke ashkarilighan idi.