Uyghurbiz torbéti 9-qétim qayta échildi, yene bir Uyghur torbéti taqaldi

Tor bet bir ayning aldida, namelum hakkér hujumlirining üzlüksiz hujumida taqilip qalghan. Torbet bügün resmiy échilip mulazimitini qaytidin bashlidi. Uyghurbiz torbéti "5 ‏-iyul" ning aldi-keynide bolup az dégende 8 qétim taqiwétilgen. Bu qétimqisi 9‏-qétim qayta échilishidur.

Torbet téxnik xadimlirining bildürüshiche, nöwette bu torbet chet'elde rawan échilidu؛ Uyghur éli we xitay ölkiliride bolsa, xitayning intérnét tosiqidin halqip ötüsh yoli bilen torbetni körüsh mumkin. Torbetning bügünki xewerler sehipiside bayan qilinishiche, xitay ölkiliridiki " shinjang sinipi" oqughuchiliri teripidin bashquruluwatqan " dewr" torimu ikki kündin béri taqilip qalghan. Mezkur torbet 2007 ‏-yili qurulghan bolup, 5 ‏-iyuldin kéyin aman qalghan az sandiki Uyghur torbetlerning biri idi. Bu torbet asasliqi xitay ölkiliridiki Uyghur oqughuchilar arisida öginish we turmush jehette uchur-alaqe mulazimitini qilip kelgen؛ peqet ayrim ehwallarda, oqughuchilar özlirining jem'iyet mesililiri heqqidiki qarashliri we gumanlirini bayan qilip kelgen. Dewr torining taqilishi xitayning Uyghurlarning her qandaq bir ijtima'iy mesile heqqide pikir yürgüzüshini xalimaywatqanliqini körsetmekte.