Xitay hökümiti xitay merkiziy xelq radi'o istansisi Uyghurche anglitish waqtini uzartti

Xitay hökümiti xitay merkiziy xelq radi'o istansisi qarmiqidiki Uyghurche anglitish waqtini 16- dékabirdin bashlap 18 sa'etke uzartti.
Muxbirimiz jüme
2010.12.27

Weziyet közetküchilirining qarishiche, mezkur Uyghurche chastota xitay hökümet axbaratining bir qismi bolup, yenila xitay kompartiyisining teshwiqat qorali süpitide ishlitilidiken.

Merkiziy xelq radi'o istansining Uyghurche anglitishi 1956 ‏- yili 10- dékabir bashlan'ghan bolup, uzun yil künige bir sa'et anglitish bérip kelgen idi.

"Tengritagh tori" da bu heqte bérilgen xewerde körsitishiche, mezkur Uyghurche qanal "milletler ittipaqini kücheytish" qatarliq sahelerge töhpe qoshqan bolup, qanalningmu rayonning muqimliqini ishqa ashurushta mes'uliyiti barliqi tekitlen'gen.

Xitay hökümiti ötken yilidin bashlap xitaydiki her derijilik axbarat wasitilirige sélinidighan mebleghni köpeytip, xitay kompartiyisining teshwiqat salmiqini ashuridighanliqini uqturghan idi.

Bu yil 4- ayda " 5- iyul weqesi" ge chétilip, muddetsiz qamaqqa höküm qilin'ghan memetjan abdulla xitay merkiziy xelq radi'o istansisi Uyghur bölümining muherriri idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.