Уйғур дияридин чиқидиған нефит вә тәбий газ миқдари үзлүксиз ашмақта

Уйғур дияри ‏хитай буйичә әң чоң нефит, тәбиий газ байлиқи мол һәм мәркәзлик җайлашқан район болуп, хитай ахбарат вастилири пәйшәнбә күни, бу йилниң алдинқи йеримида районда ишләпчиқирилған хам нефит мәһсулат миқдариниң 13 милйон тоннидин ашқанлиқини, тәбиий газ миқдариниң 11 милярд 940 милйон купметирға йетип, өткән йилдикидин %16 ашқанлиқини елан қилди.
Мухбиримиз әқидә
2008.09.25

Хәвәрдин йәнә мәлум болушичә, уйғур елидә 2007 ‏ - йили ишләпчиқирилған хам нефит мәһсулат миқдари 26 милйон 400 миң тонниға, тәбиий газ миқдари 21 милярд 100 милйон купметирға йетип, бу район пүтүн хитай буйичә әң чоң нефит, тәбиий газ ишләпчиқириш райониға айланған.

Хитай һөкүмити, һазирға қәдәр ғәрбниң газини шәриққә йәткүзүш, хитай - қазақистан хам нефит туруба линийиси, үрүмчи - ләнҗу тәйяр май туруба линийиси, ғәрбий дияр хам нефит туруба линийиси қатарлиқ нефит қурулушлирини ишқа ашуруп, хитай шәһәрлирини йеқилғу вә ениргийә билән тәминлимәктә һәмдә буниңдин көп иқтисадий мәнпәәтләргә еришмәктә.

Бирақ, чәтәлләрдә уйғурларниң сиясий мәнпәәти үчүн паалийәт елип бериватқан уйғур тәшкилатлири изчил түрдә, уйғур дияридики мол нефит байлиқидин уйғур хәлқиниң қилчә мәнпәәтлинәлмәй келиватқанлиқини, деһқанларниң турмуш сәвийисиниң төвәнликини, уйғур ишсизлар саниниң көпликини, омумән уйғурларниң намратлиқта яшаватқанлиқини илгири сүрмәктә.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.