Хитай уйғур елидин қезилидиған нефит миқдарини өткән йили юқири чәккә йәткүзгән

Уйғур елидә бензин вә йеқилғу газиниң баһаси һәссиләп өрлигәнлики илгири сүрүлүватқан йилларда, хитай һөкүмитиниң уйғур елидин қезилидиған нефит вә тәбиий газ миқдарини өткән йили әң юқири чәккә йәткүзгәнлики мәлум.
Мухбиримиз җүмә
2013.01.09

Шинхуа агентлиқиниң билдүрүшичә, хитай дөләтлик нефит вә тәбиий газ гуруһи ширкити 2012-йили уйғур елидин 18 милйон  390 миң тонна хам нефит қезип, йиллардикидин көрүнәрлик дәриҗидә  ашурған.

Хитай дөләт игидарчилиқидики нефит вә тәбиий газ гуруһи уйғур елидә игилигән нефитлик хитайдики 4-чоң нефитлик болуп һесаблиниду.

Мәзкур нефитликтин 1960-йили 1 милйон 600 миң тонна хам нефит қезилған болса, бу 2008-йилиға кәлгәндә 12 милйон тонниға йәткүзүлгән, 2012-йилиға кәлгәндә болса 18 милйон тоннидин ашурулған.

Хитай һөкүмити 2010-йилдики “шинҗаң хизмәт йиғини” дин кейин уйғур елидики тәбиий байлиқларни қезиш қәдимини техиму тизлитидиғанлиқи вә бу саһәгә мәбләғ салғучи ширкәтләргә етибар беридиғанлиқини билдүргән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.