Уйғур елидики бир қисим өй һайванлирида 'туяқ - еғиз яллуғи' таралған

Нөвәттә уйғур елидики бир қисим өй һайванлирида "туяқ - еғиз яллуғи" таралған болуп, хитай ахбаратлирида көрситишичә, бу нөвәтлик юқум әһвали алди билән корла вилайити тәвәсидә байқалған. Мәлум болушичә, корлида җәмий 28 туяқ өй һайвини бу хил кесәллик билән юқумланған.
Мухбиримиз җүмә
2010.01.16
Share on WhatsApp
Share on WhatsApp

Хитай дөләтлик " туяқ - еғиз яллуғи" ахбарат амбири сәйшәнбә күни оттуриға қойған мәлуматларға қариғанда, уйғур елидә бу нөвәтлик тарқилишчан " туяқ -еғиз яллуғи" 2009 - йили 30 декабир байқалған вә хитайниң мунасивәтлик даирилиригә доклат қилинған.

Нәтиҗидә, корла тәвәсидә байқалған 28 туяқ өй һайвини вә шу һайванлар топидики 37 туяқ өй һайвини қошулуп бирликтә өлтүрүлгән.

" Туяқ - еғиз яллуғи" интайин тарқилишчан кесәл болуп, әгәр яхши контрол қилинмиса, өй һайванлирида юқумлинип топ -топ өлүп кетиш һадисини кәлтүрүп чиқиридикән.

Хитай ахбаратлири нөвәттә корлида көрүлгән "туяқ - еғиз яллуғи" ниң контурлуқ астиға елинғанлиқини хәвәр қилди.

Хитайда бу хил кесәллик "5 - номурлуқ юқумлуқ кесәллик" дәпму атилидиған болуп, бу кесәллик 2004 - йилиму уйғур елидә кәң таралған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт