Uyghur élidiki bir qisim öy haywanlirida 'tuyaq - éghiz yallughi' taralghan

Nöwette Uyghur élidiki bir qisim öy haywanlirida "tuyaq - éghiz yallughi" taralghan bolup, xitay axbaratlirida körsitishiche, bu nöwetlik yuqum ehwali aldi bilen korla wilayiti teweside bayqalghan. Melum bolushiche, korlida jem'iy 28 tuyaq öy haywini bu xil késellik bilen yuqumlan'ghan.
Muxbirimiz jüme
2010.01.16
Share on WhatsApp
Share on WhatsApp

Xitay döletlik " tuyaq - éghiz yallughi" axbarat ambiri seyshenbe küni otturigha qoyghan melumatlargha qarighanda, Uyghur élide bu nöwetlik tarqilishchan " tuyaq -éghiz yallughi" 2009 - yili 30 dékabir bayqalghan we xitayning munasiwetlik da'irilirige doklat qilin'ghan.

Netijide, korla teweside bayqalghan 28 tuyaq öy haywini we shu haywanlar topidiki 37 tuyaq öy haywini qoshulup birlikte öltürülgen.

" Tuyaq - éghiz yallughi" intayin tarqilishchan késel bolup, eger yaxshi kontrol qilinmisa, öy haywanlirida yuqumlinip top -top ölüp kétish hadisini keltürüp chiqiridiken.

Xitay axbaratliri nöwette korlida körülgen "tuyaq - éghiz yallughi" ning konturluq astigha élin'ghanliqini xewer qildi.

Xitayda bu xil késellik "5 - nomurluq yuqumluq késellik" depmu atilidighan bolup, bu késellik 2004 - yilimu Uyghur élide keng taralghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.