Уйғур елидә 8 нәпәр хитай кадири җазаланди

Уйғур аптоном районлуқ мәмурий тәптиш назарити вә аптоном районлуқ мәмурий органларниң хизмәт иқтидарини баһалаш вә тәкшүрүшкә рәһбәрлик қилиш ишханиси уйғур аптоном райони даирисидики 8 нәпәр дөләт кадириниң хизмәт мәҗбурийитини тоғра ада қилмаслиқ, һоқуқидин қалаймиқан пайдилинип, өз шәхсий пайдисиға еришкәнлики қатарлиқ қилмишлири билән мәмурий вә партийә интизамлириға еғир хилаплиқ қилип, вәзиписидин қалдурулғанлиқини елан қилди.
Мухбиримиз үмидвар
2011-06-26
Share

Шинҗаң гезитиниң шинхуа агентлиқида елан қилинған хәвиридә йезилишичә, булар айрим-айрим һалда үрүмчи, санҗидики сода-санаәтчиләр бирләшмиси, көмүрчилик, йәр вә байлиқ, җамаәт хәвпсизлик қатарлиқ саһәләргә мәнсуп рәһбәрлик вә хизмәтчилик вәзиписини ада қиливатқан кадирлар болуп, уларниң милләт тәркиби һәққидә һечнемә дейилмисиму, бирақ уларниң исимлиридин уларниң арисида уйғур йоқлуқи мәлум.

Хәвәрдики мәлуматларға қариғанда, мәзкур кишиләрниң ичидә икки нәпириниң қануний җазаға тартилиши мумкинлики көрситилгән болсиму, қалғанлири асасән дегүдәк мәмурий вә партийә интизамиға хилаплиқ қилиш җазалириға дуч келидикән.

Дуня уйғур қурултийиниң баянатчиси дилшат ришитниң инкас қилишичә, бирақ, бу қетим алаһидә хәвәр қилинған мәзкур 8 кадир йәнила аптоном район даирисидики юқири дәриҗилик партийә вә яки мәмурий рәһбири кадирлар категорийисигә мәнсуп әмәс болуп, һәқиқий парахор әмәлдарлар йәнила торниң сиртида қалмақта.

Техи йеқинда хитайчә тор бәтләр или областлиқ партком секретари җяв бавхуа вә уйғур аптоном районлуқ сода санаәт мәмурий башқуруш идарисиниң муавин башлиқи ли җйәнҗүн қатарлиқларниң интизамға хилап қилмишлириниң уйғур аптоном районлуқ интизам тәкшүрүш идариси тәрипидин тәкшүрүлүп дело турғузулғанлиқи һәққидики хәвәрләрни көчүрүп басқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт