Xitay axbaratlirida xitay yashlirining Uyghur élige bérip ishlishi teshwiq qilinimaqta
Xitay kündilik xewerler torida 18 - may bérilgen " yashlar gherbke- shinjangdiki pursetler déngizigha atlininglar " serlewhilik xewerde neqil qilinishiche, 5 yil ilgiri xitayning jilin ölkisidin Uyghur élige kélip xizmetke orunlashqan süy kün isimlik xit'y oqughuchi, nöwette éyigha besh ming yüen aldighan shirket xizmetchisige aylan'ghan.
Süy kün esli shimaliy junggo éléktir énérgiye uniwérsitétida toluq kurs oqughan bolup, mektep püttürgen yilila Uyghur élige kelgen we Uyghur élige jaylashqan tébyen éléktir üsküniler shirkitige xizmetchi bolup kirgen.
Xewerde körsitishiche, mezkur shirketning mu'awin diréktori lyu gang shirkette nöwette 1000 kishilik xizmet ornining bosh ikenliki, Uyghur élidin muwapiq xadim tapalmay qiyniliwatqanliqini ilgiri sürgen.
Halbuki, yerlik xitay hökümiti Uyghur élide xizmet pursitining intayin töwen ikenlikini bahane qilip, köpligen Uyghur yashlirining xizmetsiz qélishidin ibaret ijtima'iy mesilige jawab bérishtin özini qachurup kéliwatqan peytlerde yuqiriqi xewerning meydan'gha chiqishi közge alahide chéliqatti.
Yéqinda radi'omiz igiligen melumatlargha qarighanda, qeshqer pédagogika instituti, xitay ölkisidiki aliy mekteplerni püttürgen Uyghur xizmetchilerdin 13 nepirini her xil bahane - sewebler bilen ishtin boshatqan we ornigha xitay oqutquchilarni qobul qilidighanliqi heqqide uqturush chiqarghan idi.
- Uyghur sot kollégiyesi 3-ispat anglash yighinida doktor adriyan zénz "Shinjang höjjetliri" diki yéngi mezmunlarni ashkarilidi
- Istanbulda d u q wexpening 2-nöwetlik qurghuchi hey'etler omumiy yighini chaqirildi
- Saqchi nurmemet yüsüpning "Özini öltüriwalghan" emes, belki qéyin-qistaqtin ölgenliki ashkarilandi
- Qomulda ötküzülgen "Axbarat élan qilish yighini" we xitayning Uyghur medeniyitini yoqitishtiki rezil oyunliri
- Gérmaniye tashqiy ishlar ministérining Uyghurlar we xitay toghrisidiki sözliri zor ghulghula qozghidi
