Хитай уйғур йезилирида ' он аилә бирләшмә мудапиә көрүш' түзүмини кеңәйтмәктә

Хитай йәрлик даирилири ақчи наһийисидә техиму қелиплаштуруватқан болуп, "шинҗаң аманлиқ тори "да хәвәр қилинишичә, бу наһийидә җәмийәт аманлиқини омумлаштуруп түзәшни техиму күчәйтиш намида йәнә мәһәллә бөләклиригиму башқурғучи бекиткән.
Мухбиримиз җүмә
2008.11.24

Мәзкур наһийә " аманлиқни қоғдиғучилирини тәрбийиләш" хизмитигә 7 миң йүән аҗратқандин сирт йәнә, "дүшмән вәзийити ", " бихәтәрлик учурлирини доклат қилиш түзүлмиси", "мәлумат, учур - ахбаратларни топлаш вә йәткүзүш хатириси" қатарлиқларни сестимилаштурған.

Нөвәттә хитай йәрлик даирилири уйғур елиниң йеза - қишлақлирида йолға қойған "он аилә бирләшмә мудапиә көрүш" тин ибарәт "он беши" түзүмидә һәр он аилигә бирдин башқурғучи қоюлуп, уларға мувапиқ һәқ бериш бәлгиләнгән.

Хәвәрдә көрситилишичә, нөвәттә ақчи наһийиси техиму қелиплаштуруп йолға қойған “10 беши” түзүмидә “он баш” лар һөкүмәт даирилири бәлгилигән ´башқуруш әһдинамиси” гә қол қойған болуп, мәзкур "он баш" лар бәлгиләнгән вақитта мунасивәтлик һөкүмәт органлириға өзи мәсул районниң әһвалини хәвәр қилип туридикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.