Xitay Uyghur yézilirida ' on a'ile birleshme mudapi'e körüsh' tüzümini kéngeytmekte

Xitay yerlik da'iriliri aqchi nahiyiside téximu qéliplashturuwatqan bolup, "shinjang amanliq tori "da xewer qilinishiche, bu nahiyide jem'iyet amanliqini omumlashturup tüzeshni téximu kücheytish namida yene mehelle böleklirigimu bashqurghuchi békitken.
Muxbirimiz jüme
2008.11.24

Mezkur nahiye " amanliqni qoghdighuchilirini terbiyilesh" xizmitige 7 ming yüen ajratqandin sirt yene, "düshmen weziyiti ", " bixeterlik uchurlirini doklat qilish tüzülmisi", "melumat, uchur - axbaratlarni toplash we yetküzüsh xatirisi" qatarliqlarni séstimilashturghan.

Nöwette xitay yerlik da'iriliri Uyghur élining yéza - qishlaqlirida yolgha qoyghan "on a'ile birleshme mudapi'e körüsh" tin ibaret "on béshi" tüzümide her on a'ilige birdin bashqurghuchi qoyulup, ulargha muwapiq heq bérish belgilen'gen.

Xewerde körsitilishiche, nöwette aqchi nahiyisi téximu qéliplashturup yolgha qoyghan “10 béshi” tüzümide “on bash” lar hökümet da'iriliri belgiligen ´bashqurush ehdinamisi” ge qol qoyghan bolup, mezkur "on bash" lar belgilen'gen waqitta munasiwetlik hökümet organlirigha özi mes'ul rayonning ehwalini xewer qilip turidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.