Xitay da'iriliri béyjingda tizginek arqiliq bashqurulidighan oyunchuq tik uchar sétishni cheklidi

Da'iriler peqet 3-4 métir da'ire ichide uchalaydighan tizgineklik ayropilan, tik ucharlarni sétishqa yol qoyghan bolsimu, biraq bu xil oyunchuqlarni xéridar kinishkisini chiqirip, kimlikini ispatlighandila sétip bérish telep qilin'ghan. Xitay da'iriliri buningdin burun tedbir qollinip, béyjingdiki xitay öktichilirini teqib astigha alghan, erzdarlarni yurtigha qoghlighan, Uyghurlargha yataq bérishni cheklep, poyiz we ayropilandiki Uyghur yoluchilarni teqib qilishni kücheytken idi.

Shinxu'a axbarat agéntliqining xewer qilishiche, béyjing shehiri 18‏-qurultay mezgilide bixeterlikni saqlashqa bir milyon 400 ming puqrani seperwer qilghan. Merkizi nyuyorktiki kishilik hoquqni közitish teshkilatining bildürüshiche, da'iriler ataqliq xitay öktichi xu jyaning béyjingdin kétip, uning bir mezgil enxuydiki yurtida turup turushini telep qilghan. Buningdin ilgiri da'iriler béyjingdiki ataqliq musteqil ziyaliy ilham toxtiningmu bir mezgil béyjingdin kétip turushini telep qilghan. Ilham toxti hazirghiche béyjingdin ketmigen bolsimu, biraq uning ish-herikiti teqib qilin'ghan. Xitay kompartiyisining 18‏-qurultiyi 8‏-noyabir bashlinidu.