ئۆزبېكىستان خىتاي بىلەن تۈزگەن كېلىشىم تۈپەيلىدىن تاجىكىستاننى تەبىئىي گاز بىلە تەمىنلەشنى توختاتقان

بۇ يىل 1 - ئاپرىل كۈنى ئۆزبېكىستان تاجىكىستاننى تەبىئىي گاز بىلەن تەمىنلەشنى توختىتىۋەتكەندىن كېيىن، ئىككى تەرەپ ئارىسىدا دىئالوگ داۋاملىشىپ، ئۆزبېكىستان ھەر مىڭ كۇب مېتىر تەبىئىي گازنى 264 دوللاردىن سېتىپ بېرىشكە قوشۇلغان. پەرغانە ئۇچۇر تورىنىڭ يېزىشىچە، 1 - ئاپرىل كۈنى ئۆزبېكىستاننىڭ تاجىكىستاننى تەبىئىي گاز بىلەن تەمىنلەشنى توختىتىۋېتىشىدىكى سەۋەبنىڭ ئۆزبېكىستاننىڭ خىتاي بىلەن تۈزگەن تەبىئىي گاز كېلىئىشىمى بىلەن مۇناسىۋەتلىك ئىكەنلىكى ئىلگىرى سۈرۈلگەن. بىراق، 16 - ئاپرىل كۈنى تاشكەنت بىردىنلا دۈشەنبە بىلەن قايتىدىن گاز تەمىنلەش كېلىشىمى تۈزۈشكە رازى بولغان.
مۇخبىرىمىز ئۈمىدۋار
2012-04-29
ئېلخەت
پىكىر
Share
پرىنت

تاجىكىستان تەبىئىي گاز يېقىلغۇسى جەھەتتە ئۆزبېكىستانغا تايىنىدىغان بولۇپ، ئۆزبېكىستان ئۇزۇندىن بۇيان تاجىكىستاننى تەبىئىي گاز بىلەن تەمىنلىمەكتە ئىدى.

تاشكەنتنىڭ تاجىكىستاننى گاز بىلەن تەمىنلەشنى توختىتىشى تاجىكىستان ئاھالىسىلا ئۈچۈن قىيىنچىلىق تۇغدۇرغاندىن تاشقىرى ھەتتا بىر قىسىم زاۋۇت - فابرىكىلار ئىشتىن توختا قېلىشقا مەجبۇر بولغان ئىدى. تاجىكىستاننىڭ مۇتلەق كۆپ قىسىم زاۋۇت - فابرىكىلىرى ئۆزبېك گازىنى يېقىلغۇ قىلغانلىقى ئۈچۈن، ئۆزبېكىستان تاجىكىستاننىڭ ئىقتىسادىي تەقدىرىگە تەسىر كۆرسىتىدىغان كۈچكە ئايلىنىپ قالغان. نۆۋەتتە تاجىكىستان بۇ خىل ئەھۋالدىن قۇتۇلۇش ئۈچۈن بىر قىسىم زاۋۇت - فابرىكىلىرىنىڭ يېقىلغۇسىغا كۆمۈر ئىشلىتىشكە كىرىشكەن ھەمدە خىتاي بىلەن ئاكتىپ ھەمكارلىشىپ كۆپلەپ سۇ ئېلېكتىر ئىستانسىسى قۇرۇلۇشلىرىنى قۇرۇشقا كىرىشكەن. بۇ ئەھۋال ئۆزبېكىستاننىڭ سۇ مەنبەلىرى ئۈچۈن زىيانلىق بولغان.

پىكىرلەر (0)
Share
تولۇق بەت