Özbékistan xitay bilen tüzgen kélishim tüpeylidin tajikistanni tebi'iy gaz bile teminleshni toxtatqan

Bu yil 1 - april küni özbékistan tajikistanni tebi'iy gaz bilen teminleshni toxtitiwetkendin kéyin, ikki terep arisida di'alog dawamliship, özbékistan her ming kub métir tebi'iy gazni 264 dollardin sétip bérishke qoshulghan. Perghane uchur torining yézishiche, 1 - april küni özbékistanning tajikistanni tebi'iy gaz bilen teminleshni toxtitiwétishidiki sewebning özbékistanning xitay bilen tüzgen tebi'iy gaz kéli'ishimi bilen munasiwetlik ikenliki ilgiri sürülgen. Biraq, 16 - april küni tashkent birdinla düshenbe bilen qaytidin gaz teminlesh kélishimi tüzüshke razi bolghan.
Muxbirimiz ümidwar
2012.04.29

Tajikistan tebi'iy gaz yéqilghusi jehette özbékistan'gha tayinidighan bolup, özbékistan uzundin buyan tajikistanni tebi'iy gaz bilen teminlimekte idi.

Tashkentning tajikistanni gaz bilen teminleshni toxtitishi tajikistan ahalisila üchün qiyinchiliq tughdurghandin tashqiri hetta bir qisim zawut - fabrikilar ishtin toxta qélishqa mejbur bolghan idi. Tajikistanning mutleq köp qisim zawut - fabrikiliri özbék gazini yéqilghu qilghanliqi üchün, özbékistan tajikistanning iqtisadiy teqdirige tesir körsitidighan küchke aylinip qalghan. Nöwette tajikistan bu xil ehwaldin qutulush üchün bir qisim zawut - fabrikilirining yéqilghusigha kömür ishlitishke kirishken hemde xitay bilen aktip hemkarliship köplep su éléktir istansisi qurulushlirini qurushqa kirishken. Bu ehwal özbékistanning su menbeliri üchün ziyanliq bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.