Kiyim - kéchek shirkiti özbékistandin paxtiliridin alaqisini üzüshke mejburlanmaqta

Melumatlargha qarighanda, jenubiy koriyining da'éwu shirkiti H&M ge paxta teminleydighan shirketlerning biri bolup, ularning paxtiliri asasen özbékistandin kélidiken.

Xelq'ara qulluqqa qarshi turush teshkilati özbékistan hökümitining puqralirini quldek ishlitip paxta yighidighanliqi, özbékistandiki paxtizarliqlarda quramigha toshmighan balilarningmu mejburiy emgekke sélinidighanliqi, bulargha bérilidighan heqning intayin töwenliki hetta bezide héchqandaq heq bérilmeydighanliqini körsetken.

U lar H&M shirkitini bu xildiki usulda yighiwélin'ghan paxtilardin kiyim ishlep satmasliqqa we yaki bu xildiki paxta sodigerliri bilen mu'amile qilmasliqqa chirqirighan.

Xelq'ara qulluqqa qarshi turush teshkilatning statistikisigha qarighanda, özbékistanning paxtizarliqlirida 200 mingidin 2 milyon'ghiche quramigha toshmighan ösmür we bir qisim quramigha yetkenler nachar emgek muhitida paxta yighishqa mejburlinidiken.