Wétnamda xitaygha qarshi namayish yüzberdi

Xitayning jenubiy déngizdiki arallarni dawamliq öz tewelikige kirgüzüp, bu rayonlarda özining igilik hoquqi barliqini dewa qilishigha nisbeten wétnamda naraziliqlar kücheymekte.
Muxbirimiz ümidwar
2012.12.09


9 - Dékabir küni wétnamning xanoy we jenubidiki xujimin shehiride xitaygha naraziliq bildürüsh namayishi ötküzülgen. B b s agéntliqining yézishiche, 200 din artuq wétnamliq xanoydiki xitay elchixanisi aldida namayish ötküzüp, xitayning jenubiy déngizdiki taqim arallarni igiliwalghanliqigha naraziliq bildürgen. Biraq, namayish tézdin tinjitilip, az dégende 20 adem tutqun qilin'ghan, shu küni wétnamning jenubidiki eng chong sheher xujimin shehiridimu kölimi kichikrek namayish yüzbergen bolup, emma bu, xujimin shehiridiki xitaygha qarshi tunji namayish hésablinidiken.

Xitaygha naraziliq bildürüsh namayishliri xanoyda ilgirimu arqa - arqidin yüz bergen, biraq wyétnam hökümiti arallar mesilisini ikki dölet söhbet bilen hel qilish teshebbusida bolmaqta. Yéqinda xitay jenubiy déngizda charlash qatarliq heriketlerni kücheytken hemde arallarni öz xeritisige kirgüzgen pasport chiqarghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.