ۋاكالەتسىز مىللەتلەر تەشكىلاتى شەرقىي تۈركىستان سەھىپىسىدە ياپونىيىنىڭ ئۇيغۇرلارنى قوللىغانلىقىنى گەۋدىلەندۈردى

ئۆز مۇخبىرىمىز خەۋىرى: ۋاكالەتسىز مىللەتلەر تەشكىلاتى بۈگۈن ئەركىن ئاسىيا رادىئوسى ياپونىيىنىڭ ئۇيغۇرلارنى قوللىغانلىقى ھەققىدە ئېلان قىلغان ئۇچۇرلارنى، شەرقىي تۈركىستان سەھىپىسىدە كۆچۈرۈپ باستى ۋە بۇنىڭغا ئىزاھات يېزىپ، ياپونىيە سىياسەتچىلىرىنىڭ دۇنيا ئۇيغۇر قۇرۇلتىيى توكيودا يىغىن ئېچىشتىن بۇرۇن خىتايغا، ئۇيغۇرلارنىڭ كىشىلىك ھوقۇقىغا ھۆرمەت قىلىشى لازىم دەپ جاكارلىغانلىقىغا يۇقىرى باھا بەردى.
مۇخبىرىمىز ۋەلى
2012-04-25
Share

رادىئومىز ئىنگلىزچە ئېلان قىلغان خەۋىرىدە، ئۇيغۇرلارنى قوللايدىغان ياپونىيە دۆلەت مەجلىسى ئەزالىرىنىڭ يېتەكچىسى سابىق باش مىنىستىر شىنزو ئابې تارىخى، مەدەنىيىتى، ئەنئەنىسى، دىنى ۋە مىللىي كىملىكى خىتاي تەرىپىدىن يوقىتىلىشقا باشلىغان ئۇيغۇرلارنىڭ كىشىلىك ھوقۇقىنى قوللايدىغانلىقىنى جاكارلىدى دەپ بايان قىلغان ئىدى.

ياپونىيىدە چىقىدىغان «ئاساخى شىنبۇن» گېزىتىنىڭ بۈگۈن ئۇيغۇرلار ھەققىدە ئېلان قىلغان خەۋىرىدىن مەلۇم بولۇشىچە، ياپونىيىدە ھازىر مىڭدەك ئۇيغۇر ياشايدۇ. ياپونىيىدە يەنە 2008‏-يىلى قۇرۇلغان ياپونىيە-ئۇيغۇر جەمئىيىتى پائالىيەت ئېلىپ بېرىۋاتىدۇ. ياپونىيە ئەمدى 1930‏-يىللاردا سوۋېت ئىتتىپاقى بىلەن خىتاي بىرلىشىپ ئاغدۇرغان شەرقى تۈركىستان جۇمھۇرىيىتىنىڭ مەشھۇر گېنېرالى مەخمۇت مۇھىتى ياپونىيىگە كېلىپ ياردەم تەلەپ قىلغان دەۋردىكى مۇناسىۋەتنى ئەسلىگە كەلتۈرمەكچى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت