Wakaletsiz millet we xelqler teshkilati xitay hökümitidin Uyghurlarning ehwalini yaxshilashni telep qildi
2012.06.29
Uyghur kishilik hoquq programmisi 27-iyun élan qilghan doklatida, xitayning “Shinjang tereqqiyat pilani” tenqid qilinip, Uyghurlarning ehwali ilgirilep éghirlashqanliqini, ularning öy makani chéqilip, ilgirilep yekleshke uchrighanliqi, tereqqiyat siyasitini tüzüsh, qarar qilish ishlirigha qatnashturulmighanliqi ilgiri sürülgen.
Wakaletsiz millet we xelqler teshkilatining bash katipi marino bostachin aldinqi küni élan qilin'ghan bayanatta eskertip: sherqiy türkistandiki Uyghur xelqi kündilik turmushining her bir saheside wasitilik we biwasite kemsitishke uchrawatidu. Gerche xitay qanuni kemsitishni cheklisimu, biraq da'iriler buni ijra qilmaydu. Buning netijiside ular dawamliq chetke qéqilip, xitayning iqtisadiy güllinishidin behrimen bolushtin mehrum qaldi, dégen.
Bayanatta yene, yawropa parlaméntining Uyghur medeniyitini qoghdash we Uyghurlarning künséri yamanliship kétiwatqan weziyitige dawamliq diqqet qilish heqqidiki qarari, Uyghur kishilik hoquq doklatida otturigha qoyulghan weziyetni yaxshilash toghrisidiki teklip pikirlerni küchlük qollaydighanliqini bildürgen.
Uyghur kishilik hoquq programmisining 37 betlik doklatida, ishsizliqning Uyghurlarda yenila nahayiti éghirliqi, élan-sen'etlerde Uyghurlarning ashkara kemsitidighanliqi otturigha qoyulup, bu ehwallargha derhal xatime bérish telep qilin'ghan idi.