"Wal strit zhurnili" da guma mukuyla weqesi heqqide maqale élan qilindi

Guma mukuyla weqesi bügün xelq'aradiki nopuzluq zhurnal "Wal sitrit zhurnili" da élan qilindi.
Muxbirimiz irade
2012-01-05
Share

Zhurnal aldi bilen weqe heqqide qisqiche melumat bérip ötkendin kéyin, xitay hökümitining étip öltürülgen kishilerni térrorchi dep atighanliqini, emma dunya Uyghur qurultiyining buni ret qilghanliqini bayan qilghan.

Wal strit zhurnili bu heqtiki mulahiziside, xitay hökümitining Uyghurlarning naraziliq heriketlirini dawamliq islami térror heriketliri bilen baghlash qilmishini "Bir chalmida ikki paxtek soqush" dep teswirligen bolup, uningda mundaq déyilgen:
"Xitay da'iriliri Uyghurlarning naraziliq heriketlirini islami radikalliq bilen baghlash arqiliq bir chalmida ikki paxtek soqup kelmekte. Yeni, bir yaqtin özining Uyghurlarni qattiq narazi qiliwatqan kemsitish siyasitini yoshurup qalsa, yene bir yaqtin, térrorluqqa qarshi urush qiliwatqan gherbning qollishini qolgha keltürüshni közlimekte."

Wal strit zhurnili maqalide xitay da'irilirining islami térrorluq dégen namdin nahayiti ustiliq bilen paydilinip kelgenlikini eskertip, rayondiki bu xil zorawanliq heriketlirining xitayning rayonda yürgüzüwatqan bésim, kemsitish we köchmen yötkesh siyasetlirining tebi'iy netijisi ikenlikini, xitayning "Térrorluq" tayiqi astida heydiliwatqan Uyghurlarning emeliyette tibetlerge oxshashla kishilik hoquq depsendichilikige uchrawatqan bir xelq ikenlikini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet