Рабийә қадир ханим "вал стрт жорнили"да мақалә елан қилди

Дуня уйғур қурултийиниң рәиси рабийә қадир ханим америкида нәшрдин чиқидиған даңлиқ журнал "вал ситрт жорнили"да мақалә елан қилип, хитай һөкүмитиниң уйғурлар үстидин йүргүзүватқан сиясәтлирини тәнқид қилди.
Мухбиримиз ирадә
2010.08.05

Уйғур язғучилар җимиқтурулмақта дәп мавзу қоюлған мақалидә рабийә қадир ханим, йеқиндин бери қолға елинған журналист ғәйрәт нияз вә дилшат пәрһат қатарлиқ тор саһиблириниң түрмигә елиниш вәқәлири үстидә тохтилип, бу хил вәқәләрниң уйғурлар үчүн йеңилиқ әмәсликини, хитай даирилириниң уйғурларни җимқтуруш сияситини әзәлдин бери йүргүзүп кәлгәнликини баян қилған. У мәһбубә абләш, абдулғени мәмәтимин, нурмәмәт ясин, гүлмирә имин қатарлиқларниң хитай коммунист һакимийтиниң уйғурлар үстидин елип бериватқан сияситини тәнқид қилғанлиқи сәвәблик бүгүн түрмиләрдә риязәт чекиватқанлиқини қәйт қилип, хитай һөкүмитиниң җимиқтуруш, назарәт қилиш вә үзлүксз хитай көчмәнлирини йөткәш арқилиқ уйғурларниң кимликини йоқитишни нийәт қиливатқанлиқини билдүргән.

Рабийә қадир ханим хитай даирилириниң "террорлуқ, бөлгүнчилик, дөләт хәпсизликигә тәһдит пәйда қилиш" дәйдиған уқумларни суйистимал қилиш арқилиқ уйғурларниң авазини боғуп җазалаватқанлиқини қәйт қилған.

Рабийә қадир ханим мақалисиниң ахирида, әгәр хәлқара бесим болмиған тәқдирдә, уйғурларниң бир күни тарихқа айлинип кетидиғанлиқини алаһидә әскәрткән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.