Wang lijünning töt neper yardemchisige höküm élan qilindi
Go wéygo, li yang, wang péngféy, wang ji qatarliqlar wang lijünning yéqinliri bolup, ular ilgiri en'gliyilik sodiger xeyriwodéning ölüm sewebini tekshürüshke qatnashqan.
Xitay xewerliridin melum bolushiche, xéféy sheherlik ottura xelq sot mehkimisi ularni en'gliyilik sodiger xeyriwudning ölüm délosini tekshürüsh jeryanida, gu keyleyning jinayi pakitlirini yoshurghanliq bilen eyiblep, go wéygogha 11 yilliq, li yanggha 7 yilliq, wang péngféy we wang jigha5 yilliq qamaq jazasi höküm qilghan.
20-Awghust oxshash bir künde bo shileyning ayali gu keyley en'gliyilik sodiger xeyriwudni qestlep öltürüsh jinayiti bilen eyiblinip, ikki yil kéchiktürülüp ölüm jazasigha höküm qilin'ghan idi.
Bu yil 2-ayda amérikining chéngdudiki konsulxanisidin panahliq telep qilish jeryanida bu setchilikni ashkarilighan sabiq saqchi bashliqi wang lijün heqqidiki höküm téxi élan qilinmighan bolup, xitay da'iriliri wang lijün dilosining dölet mexpiyetlikige yatidighan mesile ikenlikini bildürüp, wang lijün üstidin échilghan sotning tepsilati ashkarilanmaydighanliqini bildürgen idi.
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- Xitay qaramayda tunji bolup sinaq qiliwatqan eqliy iqtidarliq charlighuchi mashina qandaq nerse?
- “Qanliq shawgu'en weqesi” ning 13 yilliq xatire küni: “Dunya bu weqeni untup qalmasliqi kérek”
