Wang léchüen Uyghur élide uzun muddetlik muqimliq xizmiti élip bérilidighanliqini tekitlidi

Roytérs agéntliqining xewer qilishiche, Uyghur aptonom rayoni kommunistik partiye komitétining sékritari wang léchüen Uyghur aptonom rayonida uzun muddetlik muqimliq üchün küresh qilish lazimliqini tekitligen. Wang léchüen sözide peqet muqimliq bolghandila iqtisadiy tereqqiyat bolidighanliqini eskertken.
Muxbirimiz ümidwar
2010-01-03
Share

Amérika awazining xitay hökümet metbu'atlirining uchurliridin neqil keltürüshiche, Uyghur aptonom rayoni partkom sékritari wang léchüen yéngi yil munasiwiti bilen bir qisim hökümet rehbiri kadirlirini bashlap, béyjing, tyenjin we chungching qatarliq jaylardin yardem bérishke kelgen alahide qoralliq saqchi qisimni yoqlighanda, bu sözni éytqan bolup, u " shinjangdiki bölgünchilik we bölgünchilikke qarshi küresh uzun muddetlik, murekkep we ötkür" dep körsetken.

Buningdin ilgiri xitay Uyghur aptonom rayoni hökümiti "milletler ittipaqliqi terbiyisi"ge a'it bir qanuniy belgilime chiqarghan bolup, buningda milletler ittipaqliqigha ziyanliq söz - nutuq tarqitish, milliy bölgünchilikke küshkürtüsh qatarliq milletler ittipaqliqigha buzghunchiliq qilidighan qilmishlarning qanuniy jawabkarliqqa tartilidighanliqi körsitilgen.

Munasiwetlik mutexessislerning éytishiche, lékin, bu qanuniy belgilime terkibige chong xenzuchiliq qilmishlirining oxshashla jazagha tartilish - tartilmasliqi, chong xenzuchiliqning milletler ittipaqliqigha keltüridighan ziyini mesilisi qatarliqlarning kirgüzülgen yaki kirgüzülmigenliki namelum iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet