Ваң лечуән 'хәлқниң түп мәнпәәтини қоғдап муқимлиққа капаләтлик қилиш'ни тәкитлиди

Шинхуа агентлиқиниң хәвиридин мәлум болушичә, уйғур аптоном райониниң баш секритари ваң лечуән аптоном районлуқ әрзийәт идарисиниң хизмәтчилирини йоқлиғанда сөз қилип уларниң "йеңи вәзийәткә йүзлинип, хизмәтни яхши ишләп, хәлқниң түп мәнпәәтини қоғдиши, хәлқниң ичидики зиддийәтләрни яхши бир тәрәп қилип, муқимлиққа капаләтлик қилиши"ни тәләп қилған. У сөзидә йәнә зиддийәтләрни һәл қилишниң муқимлиқниң асаси икәнликини тәкитлигән.
Мухбиримиз ирадә
2010-02-18
Елхәт
Пикир
Share
Принт

Әмма күзәткүчиләрниң қаришичә, гәрчә хитай кейинки йилларда иқтисадий җәһәттин тәрәққий қилған болсиму, әмма хитайда шәхсиләрниң мәнпәәти еғир дәриҗидә дәпсәндә қилинмақта. Хәлқниң мәнпәәти түп мәнпәәт әмәс, коммунист партийиниң түп мәнпәәти биринчи орунға қоюлмақта. Әзрдарлар һөкүмәт даирилириниң қопал муамилиисигә вә һәтта сақчиларниң тутқун қилишиға учримақта.

Уйғур дияридики әрзийәт хизмәтлириниң әһвали техиму начар болуп, уйғур әрздарлар хитай даирилири тәрипидин "муқимлиқни бузғучилар" дәп әйиблинип, уларниң юқириға әрз қилип беришини тосашта қаттиқ вастиләр ишлитилмәктә. Болупму 5 - июл вәқәсидин кейин уйғур әрздарларниң юқириға әрз сунуши қаттиқ қамал қилиниватқан болуп, көзәткүчиләрниң қаришичә, бундақ бир шараитта ваң лечуәнниң "хәлқниң ичидики зиддийәтни һәл қилиш вә хәлқниң мәнпәәтини" тәкитлиши сахтипәзликтин башқа нәрсә әмәс.

Пикирләр (0)
Share
Толуқ бәт