Ваң лечүән вәзиписидин қалдурулди

Хитайда даирилири уйғур елини 16 йилдин бери сорап кәлгән ваң лечүәнни вәзиписидин қалдурғанлиқини елан қилди. Бу һәқтики хәвәр шинхуа агентлиқида берилгән болуп, ваң лечүәнниң орниға хунән өлкисиниң партийә секретари җаң чүншйән сәпләнгән.
Мухбиримиз җүмә
2010-04-24
Елхәт
Пикир
Share
Принт
Ваң лечуән вә нурбәкриниң пичирлишиватқан көрүнүши.
Ваң лечуән вә нурбәкриниң пичирлишиватқан көрүнүши.
www.nytimes.com Дин елинди. Сүрәт, Ciaro Cortes iv / Reuters ниң.

Дуня уйғур қурултийи баянатчиси дилшат ришит, ваң лечүәнни вәзиписидин елип ташлаш биләнла уйғур елиниң мәсилисини һәл қилғили болмайдиғанлиқини илгири сүрди.

Дилшат ришит уйғур елидики миллий мәсилисини негизидин һәл қилиш һәққидә тохтилип мундақ деди: "уйғурларни көчмән хитай рәһбәрлири башқуруп келиватиду. Бир ваңни алмаштуруш билән уйғур мәсилиси һәл болмайду. Хитай алди билән уйғурларға қаратқан бастуруш сияситини өзгәртиши, уйғурларниң кишилик һоқуқини һөрмәт қилиши, техиму муһими уйғурларниң өз тәқдирини өзи бәлгиләш һоқуқини һөрмәт қилиши керәк."

Ваң лечүән бу нөвәт уйғур елидики вәзиписидин қалдурулғандин кейин, хитай мәркизий комитетиниң сиясий қанун комитетиға муавин секретар қилип йөткәлгән. Бу, ваң лечүәнниң һөкүмәт хизмитидики дәриҗисиниң төвәнлитилгәнликидин дерәк беридикән.

Ваң лечүән 1994 - йили уйғур елигә баш секретар қилип тәйинләнгәндин буян уйғур елидә вәзипә тутуп кәлмәктә иди. У, уйғур елидә вәзипә тутуш җәрянида уйғур елидә 1997 - йили бир қетим вә 2009 - йили бир қетим зор қаршилиқ намайиши йүз бәрди. Һалбуки ваң лечүән уйғурларниң һәр икки қетимқи намайишлирини һәрбий күч ишлитип қаттиқ бастуруп, көплигән уйғур яшлирини қара қоюқ түрмигә ташлиған.

2009 - Йили 5 - июл үрүмчи намайишида хитай даирилири 200 гә йеқин хитай пуқрасиниң өлтүрүлгәнликини илгири сүргән. Әмма икки күндин кейин хитай пуқралириниң уйғурларға топлишип һуҗум қилиш вәқәсини ахбараттин йошурған вә бу күни зиянкәшликкә учурғучиларниң санини елан қилмиған иди.

Үрүмчидики хитай пуқралири ваң лечүәнниң 5 - июл вәқәсини бир тәрәп қилиш чарилиридин йәнә рази болмай униң вәзиписидин истепа беришини тәләп қилип, икки қетим намайиш қилған.

Әйни вақитта хитай даирилири үрүмчи шәһириниң партком секретари ли җини вәзипидин елип ташлап хәлқниң наразилиқини пәсәйтишкә тиришқан иди.
 
Җүмә күни хитай компартийиси сиясий бюросиниң 9 кишилик даимий әзаси йиғилип шинҗаң мәсилисини музакирә қилған иди. Мәзкур йиғин чақирилип иккинчи күни ваң лечүәнниң вәзиписидин қалдурулғанлиқ хәвири оттуриға чиқти.

Хитай һөкүмитиниң бу нөвәт сәплигән йеңи секретари билән уйғур елигә қаратқан сияситигә қандақ өзгәртиш киргүзүдиғанлиқи һазирчә намәлум.

 
Пикирләр (0)
Share
Толуқ бәт