Вашингтонда иптарлиқ уюштурулди

Америка уйғурлири бирләшмиси 27 - сентәбир күни рамизан мунасивити билән иптарлиқ паалийити уюштурди.
Мухбиримиз үмидвар
2008-09-28
Share

Иптарлиқ паалийити пайтәхт вашингтон йенидики мәклин районидики аммиви паалийәт мәркизидә өткүзүлгән болуп, буниңға пайтәхт әтрапидики верҗиния, марйланд шитатлирида һәмдә башқа штатлардин шуниңдәк қазақистандин кәлгән меһманлар иштирак қилди.

 Иптарлиқ паалийитидә дуня уйғур қурултийиниң рәиси рабийә қадир ханим сөз қилип, көпчиликни рамизан билән тәбриклиди һәмдә техиму иттипақлишип, миллий дәва паалийәтлирини күчәйтишни тәләп қилди.

Меһман сүпитидә қазақистандин кәлгән, қазақистан дөләтлик радио - телевизийә комитетиниң қармиғидики уйғур бөлүминиң сабиқ башлиқи, мәрһум язғучи зия сәмәдиниң оғли риза сәмәди әпәндиму сөзгә тәклип қилинди. У, өзиниң америка сәпиридә көпчилик билән биргә болғанлиқидин хуш болғанлиқини шуниңдәк қазақистандики уйғур җамаитиниң салими вә арзулирини билдүрүп өтти.
 
Иптарлиқ паалийити кәч саәт 9 ларғичә давамлашти.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт