Ватикан поп бекитиш мәсилиси сәвәбидин хитайни әйиблиди

Ватикан 23-ноябир күни баянат елан қилип, хитай һөкүмитиниң хебейниң чеңде райониға го җинсәйни ватиканниң тәстиқисиз поп қилип тәйинлигәнликини әйиблиди.
Мухбиримиз миһрибан
2010.11.24

Хитайниң вәтәнпәрвәр католик җәмийити өткән һәптиниң шәнбә күни ватиканниң тәстиқисиз го җинсәй исимлик католик өлимасини хебейниң чеңде райониға поп қилип тәйинлигән, шундақла шу райондики  католик өлималиридин мурасимға  қатнишишини тәләп қилған .

 Өткән һәптиниң бешида хитай һөкүмити го җинсәйниң 20-ноябир күни вәзипә тапшурувелиш мурасимини өткүзидиғанлиқини җакарлиғандин кейинла, 18-ноябир күни ватикан баянат елан қилип, хитай һөкүмитиниң поп бекитиштә алди билән ватиканниң тәстиқини елиши керәкликини агаһландурған иди. Әмма, хитай һөкүмити җуңгониң поп тәйинләш һоқуқи барлиқини , ватиканниң буниңға арилишиш һоқуқи йоқлуқини билдүрүп , шәнбә күни мурасимни өз вақтида өткүзгән иди.

 Түнүгүн ватикан йәнә баянат елан қилип, ватиканниң тәстиқисиз хебий өлкисиниң чеңде шәһиригә поп тәйинләшниң қанунсиз икәнликини җакарлиди. Ватикан баянатчиси сөзидә "хитай һөкүмитиниң ватиканниң тәстиқисиз өз алдиға католик попини бекитиши һәм католик диний өлималирини мурасимға қатнишишқа зорлиши диний етиқад әркинликигә қилинған еғир дәпсәндичилик " дәп хитай һөкүмитини әйиблиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.