Wén jyabaw a'ilisi özlirining mal-dunyasi heqqidiki xewerge inkas qayturdi

Xewerde wén jyabawning perzentliri we uruq-tughqanlirining u wezipe ötewatqan mezgilide soda bilen shughullinip téz ronaq tapqanliqi we zor miqdarda mal-dunya toplighanliqi pash qilin'ghan. Xewerde bildürüshiche, nöwette wén jyabawning a'ile tawabatlirining mal dunyasining qimmiti 27 milyard dollargha yetken.

Bu xewer élan qilin'ghandin kéyin, wén jyabaw a'ilisi adwokat tutup bayanat élan qilghan. Bayanatta, nyuyork waqti gézitide bérilgen melumatlarning saxta ikenliki ilgiri sürülgen we bu melumatlarning buningdin kéyin aydinglashturulidighanliqini we mezkur saxta xewerning qanuniy mes'uliyitini sürüshte qilidighanliqini bayan qilghan.

Xitayche b b s ning bügünki bu heqtiki bir analizida bildürüshiche, xitay dölet rehberlirining bir xewerge inkas qayturushi, nahayiti az uchraydighan ehwal bolup, bu peqet, xitayning yuqiri rehberlik qatlimidiki ziddiyetning küchiyiwatqanliqidin bir isharet iken.

Xewerde pikir bayan qilghan bir mulahizichi nyuyork waqti gézitining xitay bash ministirining mal-dunyasini éniqlap chiqqidek küchke ige emeslikini, buning peqet wén jyabawning riqabetchilirining yeni sabiq emeldarlardin bö shiley terepdarlirining nyuyork waqti gézitige uchur yetküzgenlik éhtimalliqini otturigha qoyghan.