Wén jyabawning söz erkinlikining 'kem bolsa bolmaydighanliqi' heqqidiki sözi diqqet qozghidi

Xitay bash ministiri wén jyabaw yekshenbe küni amérika s n n téléwiziye qanilining ziyaritini qobul qilip, söz erkinliki her qandaq bir dölet üchün "kem bolsa bolmaydighanliqi" ni we xelqning démokratiyige bolghan arzusini "tosqili bolmaydighanliqi" ni tekitlidi.
Muxbirimiz erkin
2010-10-04
Share

Wén jyabaw bu sözlerni CNN téléwiziye qanilining riyasetchisi faréd zekariyening ziyaritini qobul qilghanda tekitligen bolup, uning bu sözi shu künki xelq'ara axbarat wasitilirida keng xewer qilindi.

Bezi analizchilar wén jyabawning bu sözlirining emili qimmitige guman bilen qaraydighanliqini eskertip, bu sözler uning éghizida, dep qoyghan sözler ikenliki, bu sözlerni emeliyleshtürüshke küch chiqarmaydighanliqini ilgiri sürmekte.

Gerche wén jyabaw démokratiye we söz erkinlikini"tosuwalghili bolmaydighan" liqini bildürgen bolsimu, lékin xitayning 2009‏ - 2010 ‏ - yildiki söz erkinlik we kishilik hoquq xatirisi xelq'ara kishilik hoquq teshkilatlirining eng küchlük tenqidige uchrighan bir yil bolghan idi.
 
Wén jyabawning eskertishiche, u bezide torgha chiqip, tordashlarning hökümetke qaratqan shiddetlik tenqidlirini oquydiken. Lékin u xitay hökümitining tor erkinlikini kontrol qilish herikiti xelq'ara jem'iyet we kishilik hoquq teshkilatlirining tenqidige uchrawatqanliqigha da'ir so'allargha jawab bérishni özini qachurup, xitayning algha bésiwatqanliqini tekitlidi.
 
Wén jyabaw mundaq dédi: "men we junggo xelqi junggoning dawamliq algha basidighanliqigha ishinimiz. Shundaqla xelqning démokratiye we erkinlikke bolghan éhtiyaji hem arzusini tosuwalghili bolmaydu." U yene xitay - amérika munasiwiti, soda, xelq pulining qimmiti qatarliq mesililer heqqide toxtilip, pul paxalliqi hem chiriklikning muqimliqqa tesir körsitiwatqanliqini bildürdi.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet