Хитай һөкүмитиниң “23-июл венҗу тез сүрәтлик пойиз вәқәси” ни тәкшүрүш доклати ахири елан қилинди
2011.12.28
Доклатта йәнә, төмүрйол министирлиқи билән шаңхәй шәһәрлик төмүрйол идарисиниң қутқузуш ишлирини тоғра елип бармиғанлиқи, җәмийәтни тоғра инкас вә учур билән тәминлимәй, яман иҗтимаий тәсир пәйда қилғанлиқи илгири сүрүлгән.
Сабиқ төмүрйол министири лю җиҗүн қатарлиқ кишиләр интизам вә қанунға хилаплиқ қилиш қилмиши садир қилған, дәп қаралған болуп, уларниң қануни мәсулийитини сүрүштүрүшкә мәхсус дело гурупписи қурулған.
2011-Йили 7-айниң 23-күни шаңхәйдин бейҗиңға қарап йолға чиққан тез сүрәтлик йолучилар пойизи венҗуға кәлгәндә алдида кетиватқан йәнә бир тез сүрәтлик пойизға соқулуп кетип, 40 адәм өлгән, 200 адәм яриланған иди.
Бу вәқә хитайда зор ғулғула қозғап, хитай һөкүмити қаттиқ тәнқидкә учриған. Хитай ахбарат васитилириниң хәвәр қилишичә, хитай дөләт ишлири кабинети чаршәнбә күни мәхсус мушу мәсилә һәққидә йиғин чақирған. Йиғинда 54 нәпәр һөкүмәт әмәлдариниң мәсулийитини тәкшүрүшни қарар қилған.
Көп көрүлгән хәвәрләр
RFA
- Истанбулда “уйғур мәһәллиси” қурулушиниң пүтүп чиқиши мунасивити билән ечилиш мурасими өткүзүлди
- Нури түркәл: “американиң анамни әкелишини уйғурларға көрситиватқан ғәмхорлуқиниң ипадиси, дәп қараймән”
- Торонто университети доклати: “уйғур аял кишилик һоқуқ қоғдиғучилири вә журналистлар хитайниң мисли көрүлмигән бастурушиға учриған”
- Б д т да милләтләрниң вәкиллик қилиш һәқ-һоқуқлири муһакимә қилинди
- “уйғур сәнәт көргәзмиси” гә яндашқан уйғур қирғинчилиқи муһакимә йиғини башланди