Xitay hökümitining “23‏-Iyul wénju téz süretlik poyiz weqesi” ni tekshürüsh doklati axiri élan qilindi

Xitay hökümiti charshenbe küni “23‏-Iyul wénju téz süretlik poyiz weqesi” ni tekshürüsh doklati élan qilip, weqeni kontrol merkizining zapchasliridiki éghir layihilesh xataliqi, poyiz meshghulat sistémisini tekshürüsh ötkilining qattiq emesliki, poyizda kashila yüz bergende uni toghra bir terep qilmasliq qatarliq seweblerning keltürüp chiqarghanliqini bildürgen.
Muxbirimiz erkin
2011-12-28
Share

Doklatta yene, tömüryol ministirliqi bilen shangxey sheherlik tömüryol idarisining qutquzush ishlirini toghra élip barmighanliqi, jem'iyetni toghra inkas we uchur bilen teminlimey, yaman ijtima'iy tesir peyda qilghanliqi ilgiri sürülgen.

Sabiq tömüryol ministiri lyu jijün qatarliq kishiler intizam we qanun'gha xilapliq qilish qilmishi sadir qilghan, dep qaralghan bolup, ularning qanuni mes'uliyitini sürüshtürüshke mexsus délo guruppisi qurulghan.

2011‏-Yili 7‏-ayning 23‏-küni shangxeydin béyjinggha qarap yolgha chiqqan téz sür'etlik yoluchilar poyizi wénjugha kelgende aldida kétiwatqan yene bir téz sür'etlik poyizgha soqulup kétip, 40 adem ölgen, 200 adem yarilan'ghan idi.

Bu weqe xitayda zor ghulghula qozghap, xitay hökümiti qattiq tenqidke uchrighan. Xitay axbarat wasitilirining xewer qilishiche, xitay dölet ishliri kabinéti charshenbe küni mexsus mushu mesile heqqide yighin chaqirghan. Yighinda 54 neper hökümet emeldarining mes'uliyitini tekshürüshni qarar qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet