En'gliye: “Chungchingda öltürülgen xéywud en'gliye jasusi emes” dédi

En'gliye tashqi ishlar ministiri willyam xag bügün bergen bayanatida, chungchingda sirliq halda öltürülgen en'gliyilik tijaretchi xéywudning jasusluqini ret qildi.
Muxbirimiz irade
2012.04.26

Xéywud ötken yil 15-noyabirda chongchingdiki bir méhmanxanida ölük halda bayqalghan. Yéqinda, bo shileyning ayali gukeyley williyamning ölümi bilen munasiwetlik, dep qolgha élin'ghandin kéyin “Xéywud en'gliyining jasusi bolushi mumkin” deydighan guman peyda bolghan we bu heqte nurghun söz-chöchekler tarqalghan idi.

En'gliye da'iriliri bir qanche waqittin béri buninggha héchqandaq bir ipade bildürmey kelgen. Emma en'gliye parlaménti tashqi ishlar ministirliqidin bu mesilige jawab bérishni telep qilghandin kéyin, bügün tashqi ishlar ministiri willyam xag parlaméntning alahide komitétigha mektup yollap “En'gliyilik tijaretchi willyam xéywud en'gliye hökümitige alaqidar herqandaq bir organ üchün resmiy yaki gheyriy resmiy yosunda xizmet qilip baqmighan” dep guwahliq bergen.

Bo shileyning ayali gu keyleyning a'ile mexpiyitini saqlap qélish üchün xéywudni zeherlep öltürgenliki ilgiri sürülmekte. Xelq'ara metbu'atlar hazir bo shiley weqesining tereqqiyatini diqqet bilen közetmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.