Вен җия бав: хитай һөкүмити йемәклик бихәтәрликигә җиддий қарайду

Шәнбә күни хитай баш министири вен җябав дуня иқтсадий вәзийити тоғрисида хитайниң тйәнҗин шәһиридә ечилған хәлқара бир йиғинда сөз қилип, зәһәрлик балилар парашоки сәтчиликидин кейин, хитай йемәкликлиригә гуман билән қарашқа башлиған хәлқара җамаәтни хитай һөкүмитиниң йемәклик бихәтәрлики тоғрисида җиддий икәнликигә ишәндүрүшкә тиришқан.
Мухбиримиз өмәр қанат
2008.09.27

Зәһәрлик химийилик мадди арилаштурулған сүт парашоки хитайда һазирғичә 4 бовақниң өлүмигә вә он миңлиған балиларниң кесәл болушиға сәвәб болған. Хитайда ясалған сүт парашокида зәһәрлик маддиниң оттуриға чиқиши, хитайдин сүт парашоки шуниңдәк сүт мәһсулатлири импорт қилидиған дөләтләрдә қаттиқ ғулғула қозғап, нурғунлиған дөләтләр хитайдин сүт мәһсулатлири импорт қилишини чәклигән иди.

Хитай баш министири вен җябав йиғинда қилған сөзидә, "зәһәрлик сүт сәтчилики, хитайниң тәрәққият җәрянида нурғун мәсилиләргә дуч келиватқанлиқини вә мәһсулатларниң ишләп чиқирилиш җәряни вә сүпитиниң қаттиқ контрол қилиниши керәкликини көрсәтти" дегән.

Вен җябав сөзидә, бу мәсилиниң техи пүтүнләй биртәрәп болмиғанлиқини тәкитләп, йеқинда һөкүмәтниң йемәклик мәһсулатлириниң сүпитини юқири көтүрүш һәққидики пиланлирини оттуриға қойидиғанлиқини билдүргән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.