Wuxende bir qisim karxanichi we ahaliler 3 kün yol tosup hökümetke naraziliq bildürgen

Xitayning wuxen sheherlik hökümiti, sheherning shidyenchü dégen rayondiki layaqetsiz dep qaralghan karxanilarni köchürüwétish üchün, mezkur rayon'gha qarita tok toxtitish tedbiri qollan'ghan.
Muxbirimiz shöhret hoshur
2012.02.20

Netijide mezkur rayondiki zawut,karxanilar bilen birlikte ahalilermu éléktrdin mehrum qalghan. Buning bilen shidyenchü rayondiki bir qisim karxana ishchiliri we, ahaliler bolup 300din artuq kishi, peyshenbe küni sheherning xenyang chong yoligha toplinip, yol tosup olturuwélish sheklide hökümetke qarita naraziliqlirini ipadiligen.

Shu küni kishiler bu jaygha “Xelqning héssiyati we iradisi hörmet qilinsun!”, “Bizge hayatliq kérek, yashisun xelq!” dégendek lozunkilarni we orunduqlarni kötürüp kélip yol tosup olturuwalghan. Netijide sheherning muhim bir qismining qatnash-transporti éghir derijide aqsighan.

Yol tosush herikiti peyshenbe künidin shenbe künigiche 3 kün dawam qilghan. Radi'omiz muxbirining igilishiche, mezkur ahaliler rayonidiki kichik zawut,karxanilar alaqidar süpet ölchemlirige uyghun kelmigechke, rayondin köchüshke mejburlan'ghan.

Yene da'irilerning muxbirimizgha ashkarilishiche, nöwette bu xil taqilish we köchürülüsh xewpige duch kelgen karxanichilar we qol hünerwenler bilen hökümet arisidiki sürkilish, yalghuz shidyenchü rayondila emes, sheherning bashqa jayliridimu dawamliq yüz bermekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.