Вйетнамлиқлар японийидә намайиш қилип хитайниң җәнуби деңиздики өктәмликигә наразилиқ билдүрди

Бирләшмә агентлиқида хәвәр қилишичә, намайишчилар асасән яшлардин тәркиб тапқан болуп, улар “вйетнамлиқ белиқчиларни өлтүрмәңлар”, “вйетнамлиқлар иттипақи җәнубий деңиз тинчлиқини қоғдайду”  дегәндәк шоарларни товлиған.

Намайиш хитай әлчиханисиға йирақ шәһәр мәркизидә өткүзүлгән болуп, тинч йосунда өткән.

Хәвәргә қариғанда йәнә бәзи намайишчилар “хитай қошна дөләтләрниң территорийисигә дәхли-тәруз қилишини тохтат”, “хитайлар мениңму мениңки; сениңму мениңки дәйду” дегәндәк плакатларни көтүрүшкән икән.

Өткән ай вә бу айниң бешида хитай чарлиғучи кемисиниң җәнубий деңизда нефит тәкшүрүватқан вйетнам кемисигә паракәндичилик салғанлиқи илгири сүргәндин кийим вәқә җәнубий деңиз вәзийитини җиддийләштүргән иди.

Вәқәдин кейин вйетнамлиқлар ханойда намайиш қилип хитайға наразилиқ билдүргән болса, вйетнам даирилири җәнубий деңизда һәрбий маневир өткүзүп өзиниң территорийисини қоғдаш ирадисини билдүргән иди.