Вйетнам хитайниң йеңи паспортиға виза бәрмәйдиғанлиқини елан қилди

Хитайниң йеңи паспортида җәнубий деңиздики игилик һоқуқи талаш-тартишта туруватқан җайларму хитайниң территорийиси қилип көрситилгәчкә, вйетнам, тәйвән вә филиппин қатарлиқ дөләт вә районлар хитайниң мәзкур қилмишиға наразилиқ билдүргән вә паспортидики хәритини өзгәртишни тәләп қилған иди.
Мухбиримиз шөһрәт һошур
2012.11.27

Бүгүн вйетнам көчмәнләр идариси бу һәқтики иҗраати һәққидә тохтилип, вйетнамға хитайниң йеңи паспорти билән кәлгәнләргә чеграда виза берилмәйватқанлиқини вә буниңдин кейинму берилмәйдиғанлиқини билдүрди.

Франсийә ахбарат агентлиқиниң бүгүнки бу һәқтики хәвиридә баян қилинишичә, хитайдики бир қисим шәхсий тор бәтләрдә йеңи паспорт һәққидә шикайәтләр йезилған. Шикайәтләрдә, мәзкур паспорт билән йолға чиққанларниң чеграда аваричиликкә учриғанлиқи, бәзи дөләтләргә барғанда айрип анкит толдурғанлиқи вә буниң вақит исрапчилиқи туғдуруп айропиланға йетишишкә путликашаң болғанлиқи баян қилинған.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.