Wyétnam xitayning yéngi pasportigha wiza bermeydighanliqini élan qildi
Muxbirimiz shöhret hoshur
2012.11.27
2012.11.27
Bügün wyétnam köchmenler idarisi bu heqtiki ijra'ati heqqide toxtilip, wyétnamgha xitayning yéngi pasporti bilen kelgenlerge chégrada wiza bérilmeywatqanliqini we buningdin kéyinmu bérilmeydighanliqini bildürdi.
Fransiye axbarat agéntliqining bügünki bu heqtiki xewiride bayan qilinishiche, xitaydiki bir qisim shexsiy tor betlerde yéngi pasport heqqide shikayetler yézilghan. Shikayetlerde, mezkur pasport bilen yolgha chiqqanlarning chégrada awarichilikke uchrighanliqi, bezi döletlerge barghanda ayrip ankit toldurghanliqi we buning waqit israpchiliqi tughdurup ayropilan'gha yétishishke putlikashang bolghanliqi bayan qilin'ghan.