Xébéydiki kiypér ximiye zawutida zor partlash yüz berdi

Birleshme agéntliqining béyjingdin xewer qilishiche, bügün etigende, xitayning xébéy ölkisi jawshen nahiyisidiki kypér ximiye zawutida partlash yüz bérip, weqede 16 adem ölgen, 40 tin artuq adem yarilan'ghan. Hazirghiche yene bir nechche on ademning iz ‏-dériki yoq.
Muxbirimiz weli
2012.02.29

Xitayning ishchilarning bixeterlikini qoghdash orginining bayan qilishiche, bügün etigen sa'et 8 de, jawshen ximiye zawutining aliy énérgiye yéqilghusi ishlepchiqiridighan binasida dehshetlik partlash yüz berdi, zawutni qoyuq is qaplap ketti.

Zawut binasi ötmitöshük bolup ketti. Binaning tégide chong azgal peyda boldi. Hazir bu xarabining hemme yéride chéchilip ketken ötkür kislata bar. Bundaq ehwal astida yene bir qisim kishiler, bu zawut xarabisidin özining tughqanlirini izdewatidu.

Shinxu'a agéntliqining xewer qilishiche, bügün xébéyda yüz bergen partlash weqesi, 100 din artuq ishchi séxta ishlewatqanda yüz bergen. Weqening sewebi hazirche namelum. Gerche qutquzush xadimliri weqe yüz bergen haman ishqa kirishelmigen bolsimu, emma bir nechche sa'ettin kéyin qutquzushni dawamlashturmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.