Xelq'ara kechürüm teshkilati xitayni ayal erzdarlarning heq-hoquqlirigha hörmet qilishqa chaqirdi

Xelq'ara kechürüm teshkilati aldinqi küni doklat élan qilip, xitay hökümitini ayal erzdarlarning heq-hoquqlirigha hörmet qilishqa chaqirdi.
Muxbirimiz shöhret hoshur
2012.11.09

Mezkur doklatta xitayning 18-qurultay harpisida, qurultayning bixeterlikini qoghdash üchün erzdarlarni tutush, nazaret qilish we jazalash tedbirini yolgha qoyghanliqi, jazalan'ghanlar arisida ayallarningmu az emesliki tilgha élin'ghan. Doklatta nöwette solaqxanida tutup turuluwatqan we jaza mudditini ötewatqan maw xu'angféng, wang méyli qatarliq alte neper ayalning ismi we kechürmishi tilgha élinip, xitay hökümitini 6 neper ayalni derhal qoyup bérishke chaqirilghan.

Radi'omiz igiligen melumatlardin qarighanda, ayal erzdarlarning jazalinish ehwali Uyghur rayonidimu az emes. Balisini élip qachqan xitay qaraqchi üstidin erz qiliwatqan qaytmas iradilik erzdar nurun'gül toxti nöwette aqsu üchturpanda, chéqilghan öyi üstidin dawa qiliwatqan aygül toxti bolsa, qeshqer peyzawatta qamaqxanida yatmaqta. Uyghurbiz torining xewer qilishiche, yéqinda béyjingdin tutup kétilgen bümeryem qatarliq ayal erzdarlar qeshqerge apirilghandin kéyin, ular heqqide a'ilisige héchqandaq uchur bérilmigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.