'Химийиви әли' гә 3 - қетим өлүм җазаси берилди

Сабиқ садам һөсәйин һакимийитидә дөләт мудапиә министирлик вәзиписи өтигән "химийиви әли" йәни, әли һәсән әл мәҗидкә "инсанийәткә қарши туруш җинайити" бекитилип, 3 - қетим өлүм җазаси берилди.
Мухбиримиз җүмә
2009.03.02
Share on WhatsApp
Share on WhatsApp

Америка кабел хәвәрләр торида көрситилишичә, бу нөвәт "химийиви әли" гә берилгән өлүм җазаси 1999 - йили бағдаттики шиә мусулманлирини қирғин қилиш қилмишиға берилгән болуп, сот униңға: "қәстән адәм өлтүрүп инсанийәткә қарши җинайәт садир қилған" лиқи учун дарға есип өлтүрүш җазаси бәргән.

Әли һәсән әл мәҗид, 2003 - йили америка ираққа бесип киргәндә қолға чүшкән болуп, "химийиви әли" нами униңға, 1989 - йили шимали ирақтики курдлар қозғилиңини бастурушта зәһәрлик газ ишлитиш пилани түзүп 100 миңчә курд хәлқини қәтлә қилғанлиқи үчүн берилгән ләқәм болуп, у мәзкур җинайити үчүн 2007 - йили бир қетим өлүм җазасиға буйрулған иди.

Әлигә йәнә, 1991 - йили қозғилаң көтүргән шиә мәзһипидики мусулманларни қәтлә қилиш һәрикитигә қатнашқанлиқи үчүн 2 - қетим өлүм җазаси берилгән.

"Химийиви әли" гә берилгән өлүм җазалири сиясий сәвәбләр билән кечиктүрүлгән болуп, у нөвәттә америка һәрбий даирилириниң қолида.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт