Xeter astidiki mutexessisler tori ilham toxti heqqide xitay re'isi xu jintawgha xet yazdi

12-Féwral küni amérika nyu-york shehiridiki "Xeter astidiki mutexessisler tori" teshkilatining tor békitide xitay re'isi xu jintawgha ochuq xet élan qilip,2-féwral küni béyjing ayrodromida yüz bergen musteqil tetqiqatchi ilham toxti ependining amérikigha kélip tetqiq qilish sepiridin tosup qélinish weqesini chüshendürüshni telep qildi.
Muxbirimiz méhriban
2013-02-14
Share

Ochuq xette mundaq bayanlar bérildi: "2-Féwral küni béyjing merkizi milletler uniwérsitétining iqtisad penliri mutexessisi ilham toxti ependi amérikigha kélish sepiridin tosup qélindi. U béyjing ayrodromida qizidin ayriwétilip ayrim öyde soraq qilindi. Gerche qizining kéyinki nöwetlik ayropilanda amérikigha kélishige ruxset qilin'ghan bolsimu, emma ilham toxti ependi 10 sa'ettin artuq soraq qilin'ghandin kéyin, béyjingdiki öyige qayturuldi. Lékin da'iriler bu heqte héchqandaq chüshendürüsh bermidi. Shunga xeter astidiki mutexessisler tori teshkilatimiz xitay hökümitidin bu ehwalni tekshürüshni hem ilham toxti ependining chégradin chiqishini chekleshtiki seweb heqqide ashkara chüshendürüsh bérishini telep qilimiz. Eger hökümet terepning cheklimisi bolmisa ilham toxti ependining chégradin chiqishini testiqlishini ümid qilimiz."

Uyghurlar we Uyghur weziyiti heqqidiki tetqiqatliri we bayanliri bilen xelq'arada tonulghan tetqiqatchi ilham toxti ependi, 2-féwral küni amérikining indi'ana uniwérsitétigha kélish sepiridin xitayning dölet amanliq qoghdash xadimliri teripidin tosup qélin'ghan idi. Ikki heptidin buyan köpligen xelq'ara metbu'atlar ilham toxti ependi heqqide xewer berdi. Kishilik hoquq teshkilatliri bolsa ilham toxti ependining nöwettiki ehwaligha diqqet qiliwatqanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet