Хитай даирилири ши җинпиң һәққидә һазирғичә учур бәрмиди
2012.09.12
Ши җинпиң 1 - сентәбирдин буян хитай дөләт телевизийиси вә башқа сорунларда көзгә челиқмиған. Һәтта бәзи хитай тор бәтлиридә ши җинпиңниң қәсткә учриған болуши мумкинлики һәққидә сөз - чөчәкләр таралған.
Хитай ташқи ишлар министирлиқи чаршәнбә күниму ши җинпиң һәққидә ориған суалларрни рәт қилған.
Хитай ташқи ишлар баянчиси хоң лей чаршәнбә күни ши җинпиңниң саламәтлики һәққидә сориған соалларға җаваб берип: мәндә буниңға аит һечқандақ учур йоқ, дегән.
Чаршәнбә күни хитай ахбаратлирида хитай юқири дәриҗилик әләмдарлири көрситилгәндиму ши җинпиң йәнә көрүнмигән.
Ройтерста нәқил қилишичә, бу һәқтә тохталған калифорнийигә җайлашқан мекенна институтидики профессор пей миншин: чоқум бир иш чиққан гәп. Җисманий җәһәттә чатақ чиқмиған болсила улар уни бу чаққа телевизорға чиқирип болған болатти, дегән.
Әмма у, ши җинпиңниң сиясий аваричиликкә йолуққанлиқини рәт қилған.
Һалбуки, келәр нөвәтлик хитай рәиси болидиғанлиқи пәрәз қилиниватқан ши җинпиң қурултай башлиништин бир нәччә һәптә бурунла туюқсиз ғайиб болуши хәлқара ахбарат саһәсидә һәр хил гуманларға сәвәб болмақта.
Көп көрүлгән хәвәрләр
RFA
- HRW: “хитай уйғурларниң чәклик зияритигә йол қоюш арқилиқ, шинҗаңниң нормаллашқанлиқини көрсәтмәкчи болуватиду”
- Алмутада 5-феврал ғулҗа қирғинчилиқи хатириләнди
- Америка-хитай риқабити пәвқуладдә комитети “уйғур һәрикити” тәшкилатини нобел тинчлиқ мукапатиға намзатлиққа көрсәткән
- Вашингтонда “5-феврал ғулҗа қирғинчилиқи” ниң 28-йиллиқи мунасивити билән наразилиқ намайиши өткүзүлди
- Гордон чаң: “ши җинпиң хитайниң мәсилилирини уруш арқилиқ һәл қилишни пиланлаватиду”