Xitayning mu'awin dölet re'isi shi jinping bérma armiyisi bash qomandani bilen körüshti

Melum bolushiche, shi jinping söhbet dawamida xitayning bérma bilen munasiwitini buningdin kéyin téximu köcheytidighanliqini bildürgen we bérmini otturida saqlan'ghan mesililerge tézdin chare tépishqa ilhamlandurghan. Emma mesilini konkrét tilgha almighan. Ötken aylarda, xitayning 13 paraxot xadimi mékong deryasida etkeschilerning hujumida ölgen. Bérma yene yéqinda bérmida xitay élip bériwatqan su éliktir qurulushini ushtumtut toxtitip xitay shirketlirige éghir iqtisi'adiy ziyan xewpi sheklillendürgen we bu xitay hökümitining naraziliqini qozghighan idi. Bérma hökümitining yéqindin bériqi bir türküm siyasiy mehbuslarni qoyup bérish qatarliq démokratik islahat qedemliri we yéqinda amérika bashchiliqida ötküzülgen asiya - ténch okyan iqtisadiy hemkarliq yighini amérika bilen bérma arisida 50 yildin béri tonglap turghan diplomatik munaswitining yumshishigha seweb bolghan. Ete yeni seyshenbe küni kilinton xanim bérmida ziyarette bolidu. Bérma weziyitini közetküchiler, nöwette amérika bilen xitayning bérmidiki tesir küchini ashurush jehette riqabetlishiwatqanliqini ilgiri sürüshmekte.