Kilinton xanim kéler hepte xitayda ziyarette bolidu

Xitay bayanatchisi xung léy, bügün bergen bayanatida, amérika dölet ishliri ministiri hilari klintonning 4-5 séntebir künliri béyjinggha yétip kélip, xitay tashqi ishlar ministiri yang jéchi qatarliq xitay emeldarliri bilen amérika-xitay otturisidiki bezi mesililer heqqide söhbette bolidighanliqini bildürgen.

Birleshme agéntliqi, b b s agéntliqi qatarliqlarning xewiride déyilishiche, kilinton xanimning xitay ziyariti xitayning sherqiy jenubi asiyadiki yaponiye qatarliq qoshna döletliri bilen bolghan aral mesilisidiki talash-tartishlar küchiyip, sherqiy jenubi asiya weziyiti jiddiyleshken weziyetke toghra kelgen. Nöwette yaponiye bilen amérikining birleshme manéwiri dawamlishiwatqan bolup, közetküchiler bu manéwirning xitayni endishige séliwatqanliqini ilgiri sürmekte.

Yaponiye bash weziri nodamu 24-awghust jüme küni muxbirlargha bergen bayanatida, yaponiyining meydanini bildürüp, "Sénkako arili yaponiyining zémini, yaponiye hazirmu bu arallargha igidarchiliq qilish hoquqigha ige. Eger zörür tépilsa, yaponiye hökümiti öz zémini hem xelqining bixeterlikini qoghdashqa mes'ul bolidu, aralni qoghdash üchün tedbir élinidu" dégen idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar