فرانسىيە ئاگېنتلىقىنىڭ نەقىل ئېلىپ كۆرسىتىشىچە، جەنۇبىي كورېيە تاشىقى ئىشلار مىنىستىرلىكى باياناتچىسى، نۆۋەتتە ۋاشىنگتون ۋە سېئۇل دائىرىلىرىنىڭ خىللارىي كلىنتون خانىمنىڭ ھۆكۈمەت زىيارىتى ئۈستىدە سۆزلىشىۋاتقانلىقىنى ھەمدە زىيارەتنىڭ مۇشۇ ئاي ئىچىدە بولىدىغانلىقىنى بىلدۈرگەن بولسىمۇ، ئەمما كونكرېتنى ۋاقتىنى ئاشكارىلىمىغان.
خەۋەردە ئوتتۇرىغا قويۇلۇشىچە، كلىنتون خانىمنىڭ بۇ نۆۋەتلىك ئاسىيا زىيارىتى ئامېرىكىنى ئۆز ئىچىگە ئالغان دۆلەتلەر بىلەن شىمالىي كورېيە كوممۇنىستلىرى ئارىسىدا ئېلىپ بېرىلىۋاتقان يادرو قوراللىرى سۆھبىتى كېچىكتۈرۈلگەن ھەمدە شىمالىي ۋە جەنۇبىي كورېيە مۇناسىۋەتلىرى يىرىكلەشكەن ۋاقىتقا توغرا كەلگەنلىكى دىققەتكە سازاۋەر نۇقتا ئىكەن.