Уйғур район даирилири шинҗаңға ярдәм бериш йеңи долқуни қозғиди

Уйғур район даирилири шинҗаң хизмити йиғини ечилғанлиқиниң бир йиллиқи мәзгилидә “шинҗаңға ярдәм бериш йеңи долқуни” ни қозғиған.
Мухбиримиз ирадә
2011.05.24

Йеңи ярдәм бериш долқуниға асасән ичкиридики 19 өлкә-шәһәрниң уйғур районидики ечиш түрлириниң сани вә миқдари вә йөткилидиған ихтисаслиқ хадимларниң сани ашурулидикән.

Шинхуаниң хәвиридин мәлум болушичә, уйғур районлуқ партком секретари җаң чүншйән гуаңдуң өлкисиниң рәһбәрлири вә бирликтә кәлгән 40 қа йеқин завут-кархана рәһбирини күтүвалғанда қилған сөзидә, қәшқәрни һөддигә еливалған гуаңдуң өлкисини бу йәрдики хизмәтлирини техиму ичкириләп елип берип, техиму көп қурулуш түрлирини йолға қоюшқа чақирған.

Хәвәрдә “бу қетимлиқ шинҗаңға ярдәм бериш йеңи долқуниниң асасий нишани хәлқ турмушини яхшилаш болиду” дейилгән вә ичкиридин чиққан завут-карханиларниң 140 тин ошуқ түр бойичә иш башлиғанлиқи билдүрүлгән.

Әмма радиомиз йәрлик хәлқләрдин алған инкаслардин, шинҗаңға ярдәм бериш қурулушиниң йәрлик хәлқләргә техи бир әмәлий нәп елип кәлмигәнниң үстигә, йәрлик хәлқләрниң йеридин айрилип қелишиға сәвәб болуватқанлиқи мәлум болған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.