Xitay da'iriliri yene 40 ademning tizimlikini élan qildi

Xitay da'iriliri jüme küni 5 ‏ - iyuldiki "ürümchi weqesi" qatnashqan, dep guman qilghan Uyghurlardin qolgha élin'ghan yene 40 kishining ismini élan qildi. Shinxu'a agéntliqining jüme küni tarqatqan xewiridin melum bolushiche, qolgha élin'ghan yuqiriqi 40 neper kishining 3 nepiri xitay bolup, qalghanlirining hemmisi Uyghur iken.
Muxbirimiz erkin
2009.07.31

Xitay da'iriliri aldinqi küni 253 ademning qolgha élin'ghanliqini élan qilip, bu kishilerning "ürumchi weqesi" ge qatnashqanliqini ilgiri sürgen idi. Shuningdin bir kün kéyin arisida ikki ayalni öz ichige alghan 14 neper Uyghur bilen bir xitay üstidin tutush buyruqi chiqarghan.

Xitay tutush buyruqi chiqarghan bu 14 neper Uyghurning tizimliki weziyettin xewerdar kishilerde jiddiy guman qozghap, tizimliktiki bezi kishilerning tutush buyruqi chiqirilishtin ikki hepte burun qolgha élin'ghanliqini, bu ehwal xitay tutush buyruqi chiqarghan kishilerning aqiwitige nisbeten shöbhe peyda qilidighanliqini tekitlimekte.

Xitay da'iriliri jüme küni weqede qolgha élin'ghan Uyghurlardin bir türküm kishilerni sotlash ishining 8 ‏ - ayning otturlirida bashlinidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.