Xitay amérikining kishilik hoquq tenqidini ret qildi

Xitay hökümiti jüme küni amérikining béyjingda échilghan kishilik hoquq di'alogi axirlashqan küni söhbet élan qilip, xitay kishilik hoquq weziyitining “Éghir derijide arqigha chékin'genlik” tenqidige inkas qayturdi.
Muxbirimiz erkin
2011.04.29
Share on WhatsApp
Share on WhatsApp

Xitay tashqi ishlar ministirliqining shinxu'a axbarat agéntliqi arqiliq élan qilghan bayanatida, xitay xelqining kishilik hoquq heqqide sözleshke eng layaqetlik xelq ikenlikini eskertip, xitay öktichi zat we sen'etchi ey wéywéyning tutqun qilinishini aqlidi.

Béyjingdiki ikki künlük di'alogning amérika terep söhbet yétekchisi mayk poznér peyshenbe küni xitayning öktichi we kishilik hoquq adwokatlirini basturushidin “Qattiq endishe” qiliwatqanliqini bildürgen.

Shundaqla xitay kishilik hoquq xatirisining “Éghir derijide arqigha chékin'genliki” ni tenqid qilghan idi. Lékin xitay tashqi ishlar ministirliqi bu heqtiki bayanatida eskertip, “Junggoning kishilik hoquq weziyitini sözleshke junggo xelqi eng layaqetlik. Junggo edliye organliri délolarni qanun boyiche bir terep qilishni dawamlashturidu” dégen.

Xitayning bayanatida eskertilishiche, junggo terep “Kishilik hoquq di'alogi peqet teng-barawerlik, öz-ara hörmet qilish rohi boyiche élip bérilghandila ijabiy ilgirileshke érishidu” dep qaraydiken.

Xitay terepning bayanatida yene, ikki terepning “B d t diki kishilik hoquq hemkarliqi, qanunning roli, pikir erkinliki qatarliq mesililerde keng da'irilik pikir almashturghanliqi” ni bildürgen bolsimu, lékin yighinda amérika terep otturigha qoyghan ey wéywéyning qolgha élinishi qatarliq konkrét délolarni tilgha almighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.