Xitay hökümet axbaratining amérikining yéngi herbiy istratégiyige qaritilghan hujumliri ewjige chiqti

Xitay hökümet axbaratining amérikining yéngi herbiy istratégiyige qaritilghan hujumliri shenbe küni téximu ewjige chiqti. Xitayning bir déngiz armiye admirali shenbe küni hökümet igidarchiliqidiki "Xitay kündilik géziti" bash maqale élan qilip, amérika asiyagha qaratqan yéngi herbiy istratégiyini "Buzghunchi" dep atidi we buning rayondiki jiddiylikni ulghaytiwétidighanliqini ilgiri sürdi.
Muxbirimiz jüme
2012-01-07
Share

Amérika prézidénti obama peyshenbe küni kelgüside amérika armiyisining istazhini qisqartidighanliqi, emma amérikining asiyadiki herbiy mewjutluqini téximu kücheytidighanliqini jakarlighan idi.

Bu xitay axbaratlirida küchlük inkas qozghighan. Xitayning déngiz armiye admirali yangyi bügünki bash maqaliside amérikining bu yéngi herbiy istratégiyisi heqqide toxtilip: shunisi éniqki bu yéngi mudapi'e istratégiyisi xitay we iranni nishan qilghan, dep körsetken.

U maqaliside yene: kimning rayon bixeterlikini heqiqiy qoghdighuchi we kimining buzghuchi ikenlikini azraq istratégiye sawadi bar her qandaq adem éniq körüp yételeydu, dep yézip amérikini rayon bixeterlikini buzghuchi dep körsetken.

Aldinqi küni xitayning shixu agéntliqimu bash maqale élan qilip, obamaning yéngi herbiy istratégiyisi "Rayon xewpsizlikige tehdit ep kélidu" dégen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet